Delhi dreams

Akele hi Gulmohar dilli ki galiyon ki sair pe,
apne hi shabdon se khud hi mehakti hun.
Muharram ki sooni kalayi pe,
sone ki dhoop saja kar,
Rangon se bhari aankhen band karke.
Kuch hare, kuch aasmaani, kuch lal sapne sajaati hun,
Kuch raat ke bache hue, kuch subah ki khusbu se bhare hue.
Kabhi mand mand muskaati hun,
To kabhi do aansoo chalkati hun.
Ek zindagi jee leti hun, ek maut mar leti hun.
Roz. Akele. Gulmohar dilli ki galliyon ki sair pe.

Advertisement