Kuch aansoo udhar ke
October 29, 2008
Jaagi hui raaton ko aate hain, kuch sapne jaagi neendon ke
Aankhon se takiye tak sirakte hue, kharochein chor jaate hain dil pe
Voh din darawane se, kuch dari hui bahar baithi raaten
Jab roye nahin the hum, Jab soye nahin the hum
Baithi thi tujhe daboche hue, haath thame zindagi ko roke hue
Jaane kis ke liye sanjoti hoon, yaadein vahi piroti hoon
Tab ke aansoon rakhe hain udhar ke, dheere dheere unhein chukoti hoon
Advertisement
